Vaktarinn
Fyrsta vara Planitor er komin formlega í loftið eftir nokkurra vikna prófanir. Við kynntum vaktarann til leiks í síðasta fréttabréfi og hann hefur fengið góðar móttökur. Vaktarinn er einfaldur en öflugur og sá fyrsti sinnar tegundar fyrir fundargerðir sveitarfélaganna. Gegn hóflegu mánaðargjaldi nú hægt að vakta málsnúmer, heimilisföng, fyrirtæki og leitarorð. Jafnframt er hægt að vakta allt að 500 metra radíus í kringum hvert heimilisfang. Tilkynningarnar berast síðan beint í innhólf notenda, annað hvort vikulega eða um leið og fundargerðir eru orðnar opinberar. Notendur hafa jafnframt aðgang að fyrirtækjasíðunum en þær hafa ásamt vaktaranum verið í þróun síðustu vikur.
Á allra næstu dögum er síðan von á svokölluðum “hnitnúmerasíðum”. Þær eru í rauninni síður fyrir hvert heimilisfang, ekki ósvipaðar fyrirtækjasíðunum þar sem hægt verður að rekja öll mál sem tengjast hverju heimilisfangi þvert á embætti. Áður en langt um líður getum við síðan vonandi boðið upp á tengingar við teikningavef borgarinnar til að auka þægindi notandans enn frekar og einfalda upplýsingaöflun.
Endilega sendið okkur póst á hallo@planitor.io til að setja upp prufuaðgang!